Seus sa truma arrepadora prus antiga de Sardigna, essendi nàscius 18 annus fait. Oindì sa formatzioni est custa: drer, Mau e Giuanni boxi, Alex P scioberadori de sonus e scarrafius, Giòrgia Loi cantadora corista, Frichi sonadori de bàsciu a illètricu.

Tres discus (Love and Peace de Casteddu in su '93, in su '99 AJO'!, in su 2005 Sega Sa Cadena), unu muntoni de cuncertus, festas, e sound system medas ne is manifestadas contras a sa gherra e s'ocupadura militari.

Sonadoris imprendaus de diora in su sotziali, eus fatu de s’impreu de su Sardu in sa mùsica avedali una bandera ca portaus fierus. Nosus pentzaus ca siat unu doveri de is artistas sardus, chi si cunsiderant talis, impreai sa lìngua sarda.

De s'istadi 2009 seus fendi cantzonis imparis a Tzoku, sa truma nàscia de is KenzeNeke.
In su mes' 'e capudanni de su 2009 eus bintu su Suns, in Udin.
In su mes' 'e ladàmini de su 2009 eus bintu su LIET – Festival Europeu de Mùsica ne is Lìngua de Minoria.